分享今次歐遊，我最想去嘅西維爾景點—— 西班牙廣場 Plaza de España ！
在計劃行程嘅時候，作為摩爾式建築控，早早就將呢個景點Bookmark！事實上，不論照片還是現場睇，真心都係靚到不得了！
西班牙廣場位於西維爾瑪利亞路易莎公園嘅一個半圓形寬闊廣場﹐建於1929年，雖無其他摩爾建築咁年代久遠（對我嚟講，其實都起咗好耐啦！），屬摩爾復興建築嘅一種，但都盡展咗西班牙+摩洛哥嘅文化精髓！樓塔以赤磚建成，馬蹄型圓拱門上貼滿阿拉伯式青花磁磚、藝術手繪，加上水道及噴泉，有點似威尼斯水鄉，但環境更精緻更夢幻！
此外，呢度係免費入場，又可付費划船或坐馬車，提高遊覽體驗～當日我光是廣場已遊覽咗一整天，算是我目前去過最喜歡的廣場！
Btw, 西維爾還是西班牙著名Flamenco Dance起源地之一（香港俗稱踢躂舞），喺西班牙廣場長期有表演者駐場，可以睇舞蹈員隨伴奏，即席用鞋尖敲地，發出「的的達達」嘅聲音（稱為 Zapateado）！節奏明快激昂，舞蹈員七情上面，勁有氣氛！
轉載自:daydaycheckin